Taxiatosh dehqon bozorida aholi uchun zarur bo‘lgan oziq-ovqat mahsulotlari bilan ta’minlanganlik holatini o‘rganish ishlari davom etmoqda.

📍 Bu galgi o‘rganishning asosiy yo‘nalishi — go‘sht mahsulotlari bo‘ldi.

👥 Xalq deputatlari Taxiatosh tumani Kengashi deputatlaridan tuzilgan ishchi guruh, jumladan, Kengash kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich, deputatlar Bekniyazov Baxramjon Kamiljonovich va O‘zbekiston Liberal-demokratik partiyasidan saylangan deputat Turdiyev Anvar Xaytbayevich, shuningdek, “Ekspert guruhi” a’zolari tomonidan bozordagi holat bevosita joyida ko‘rib chiqildi.

🔍 O‘rganish jarayonida go‘sht mahsulotlariga bo‘lgan talab, savdo rastalaridagi mavjud zaxira, narxlarning shakllanishi va mahsulotlarning xaridorlarga uzluksiz taklif etilayotganiga e’tibor qaratildi.

💬 Savdogarlar bilan suhbatlarda mahsulotga bo‘lgan talab va savdo jarayoni yuzasidan fikrlar olindi. Aniqlangan ma’lumotlar ishchi guruh tomonidan qayd etildi.

📊 Mazkur o‘rganishlar orqali bozorda aholining kundalik ehtiyojlari uchun zarur mahsulotlarning barqaror ta’minoti va narx-navosi bo‘yicha real holatni aniqlash maqsad qilinmoqda.

⬇️ O‘rganishlar boshqa turdagi asosiy iste’mol mahsulotlari bo‘yicha ham davom ettiriladi.