Uchrashuv davomida hududdagi yoshlarning muammolari, ularning bandligini ta’minlash, bo‘sh vaqtini mazmunli tashkil etish hamda iqtidorli yoshlarni qo‘llab-quvvatlash masalalari atroflicha muhokama qilindi.

Shuningdek, deputat tomonidan yoshlarga oid davlat siyosatining mazmun-mohiyati, ustuvor yo‘nalishlari va amalga oshirilayotgan ishlar yuzasidan batafsil ma’lumot berildi. Yoshlar yetakchilari esa o‘z hududlaridagi mavjud muammolar, taklif va tashabbuslarini bildirib, ularni hal etish bo‘yicha fikr-mulohazalarini o‘rtoqlashdilar.

Muloqot jarayonida yoshlar bandligini oshirish, kasb-hunarga yo‘naltirish, startap loyihalarni qo‘llab-quvvatlash hamda ularning ijtimoiy faolligini kuchaytirishga qaratilgan qator takliflar ilgari surildi.

Uchrashuv yakunida tomonlar kelgusida hamkorlikda aniq reja asosida ishlashga kelishib oldilar. Mazkur tadbir ochiq va samarali muloqot maydoni sifatida muhim ahamiyat kasb etdi.