Xalq deputatlari Parkent tuman Kengashiga 19-“Chashma” saylov okrugidan saylangan deputat Xojiboyev Jalol Xatamboyevich tomonidan saylovchilar murojaatlari va hududdagi mavjud muammolarni o‘rganish natijasida tegishli mutasaddilarga deputat so‘rovi yuborildi.
🔵 Deputat tomonidan saylovchilar bilan uchrashuvlar, shuningdek, saylov okrugidagi nuroniylar va faollar bilan suhbatlar davomida Xurriyat mahalla fuqarolar yig‘ini So‘qoq shox ko‘chasida, Kungay jome masjidi yonidagi chorrahada avtomobillar va piyodalar harakatini tartibga solish masalasi o‘rganildi.
🔵 Mazkur chorrahada transport vositalari harakati va piyodalar qatnovining serqatnovligi, yo‘lni kesib o‘tuvchi piyodalar soni hamda chorrahadagi harakatni tartibga solish zarurati inobatga olinib, svetofor o‘rnatish masalasiga alohida e’tibor qaratildi.
⚠️ Svetoforning o‘rnatilishi:
🔹 avtomobillar harakatini tartibga solish;
🔹 piyodalarning yo‘lni xavfsiz kesib o‘tishini ta’minlash;
🔹 yo‘l-transport hodisalari xavfini kamaytirish;
🔹 chorrahadagi transport oqimini tartibli tashkil etish;
🔹 mahalla aholisi, ayniqsa, bolalar va keksalar xavfsizligini ta’minlashga xizmat qiladi.
🔵 Shu munosabat bilan deputat Xojiboyev Jalol Xatamboyevich tomonidan Parkent tumani Yo‘llardan foydalanish korxonasi davlat muassasasi rahbari F. Axmadxonovga deputat so‘rovi yuborilib, mazkur masalani belgilangan tartibda ko‘rib chiqish hamda uning ijobiy hal etilishida amaliy yordam ko‘rsatish so‘raldi.
🔵 Shuningdek, ko‘rilgan choralar va masalaning yechimi yuzasidan qonunchilikda belgilangan tartibda asoslantirilgan ma’lumot taqdim etish so‘ralgan.
🔵 Aholi xavfsizligi, qulay va tartibli yo‘l harakatini ta’minlash — deputatlik faoliyatining muhim yo‘nalishlaridan biridir.
➡️ Saylovchilardan kelib tushayotgan murojaatlar o‘rganilib, ularni amaliy hal etish yuzasidan tegishli tashkilotlarga deputatlik so‘rovlari yuborish ishlari davom ettirilmoqda.