Xalq deputatlari Qo‘qon shahar Kengashiga 27-“G‘oziyog‘liq” saylov okrugidan saylangan deputat Sh.Rasulova tomonidan “Tug‘onboshi” mahalla fuqarolar yig‘inida aholi bilan navbatdagi uchrashuv o‘tkazildi.

Uchrashuv davomida fuqarolar bilan suhbatlashilib, ularning kundalik hayotida yuzaga kelayotgan masalalar, ijtimoiy ehtiyojlari va mavjud muammolari yuzasidan fikr almashildi.

Jumladan, Obod yurt ko‘chasi, 2-uyda istiqomat qiluvchi, Kambag‘allik reyestrida turuvchi fuqaro B.Ziyayevaning ijtimoiy sharoiti o‘rganildi.

O‘rganish jarayonida fuqaroga muntazam ijtimoiy yordam ko‘rsatib kelinayotgani, mavjud ehtiyojlari tegishli tartibda nazorat qilib borilayotgani qayd etildi. Shuningdek, kelgusida zarur yordam va ko‘mak choralarini ko‘rish yuzasidan fikr almashildi.

Fuqaroning ijtimoiy holatini o‘rganish va zarur ko‘mak bilan ta’minlash masalasi deputat nazoratida.

Xalq deputatlari Qo‘qon shahar Kengashi