IJTIMOIY XODIM FAOLIYATI O‘RGANILDI

✅ Xalq deputatlari tuman Kengashi kotibiyati mudiri O‘.Murodov 15-Pasurxi saylov okrugidan tuman Kengashiga saylangan deputat Sharipov Normahmat Saidovich bilan hamkorlikda Pasurxi mahallasida faoliyat olib borayotgan ijtimoiy xodimning ish faoliyati bilan tanishdi.

✅ O‘rganish davomida mahallada aholiga ijtimoiy xizmatlar ko‘rsatish, ijtimoiy himoyaga muhtoj fuqarolarni aniqlash, ularning muammolarini o‘rganish hamda zarur yordam va ko‘mak choralarini tashkil etish borasida amalga oshirilayotgan ishlar ko‘rib chiqildi.

✅ Shuningdek, ijtimoiy xodim tomonidan fuqarolar bilan ishlash samaradorligi, murojaatlarni o‘z vaqtida ko‘rib chiqish va aholining ehtiyojlaridan kelib chiqib manzilli ijtimoiy xizmatlarni tashkil etish masalalariga alohida e’tibor qaratildi.

✅ O‘rganish yakunida aniqlangan masalalar yuzasidan mas’ullarga tegishli tavsiya va topshiriqlar berildi.