ФУҚАРОЛАР МУРОЖААТЛАРИ — ЭЪТИБОР МАРКАЗИДА
Янгиқўрғон тумани ҳокими, Халқ депутатлари Янгиқўрғон тумани Кенгаши депутати А. Нажмиддиновнинг ўзи сайланган округда навбатдаги фуқаролар қабули ўтказилди.
Қабул давомида фуқароларнинг муаммо ва таклифлари атрофлича тингланди. Мурожаатларда асосан:
🔹 иш билан таъминлаш;
🔹 моддий кўмак кўрсатиш;
🔹 уй-жой ва ер масалалари;
🔹 коммунал хизматлар сифатини яхшилаш;
🔹 ижтимоий ёрдам олиш каби масалалар кўтарилди.
А. Нажмиддинов ҳар бир мурожаатни батафсил ўрганиб, уларни қонуний ҳал этиш ва амалий ёрдам кўрсатиш юзасидан масъул раҳбар ҳамда мутасаддиларга тегишли топшириқлар берди.
Қўшимча ўрганиш талаб этиладиган мурожаатлар белгиланган тартибда назоратга олинди. Уларнинг ижросини таъминлаш ва фуқароларга натижаси бўйича маълумот тақдим этиш вазифалари белгиланди.
Фуқаролар билан бевосита мулоқот қилиш, уларнинг дарду ташвишларини тинглаш ва муаммоларига амалий ечим топиш борасидаги ишлар изчил давом эттирилади.