O‘zbekiston Respublikasi Iqtisodiyot va moliya vazirligining “Ochiq budjet” axborot portali orqali fuqarolar tomonidan bildirilgan takliflarga ovoz berish yakunlariga ko‘ra g‘olib deb topilgan tadbirlar uchun xalq deputatlari Andijon shahar Kengashi deputatlari biriktirildi.

Mazkur loyihalarning amalga oshirilishi, mablag‘larning maqsadli sarflanishi hamda ishlarning sifatli bajarilishi deputatlar tomonidan o‘rganib boriladi va nazoratga olinadi.

Maqsad — fuqarolar tashabbuslarini qo‘llab-quvvatlash va g‘olib loyihalarning o‘z vaqtida hamda sifatli amalga oshirilishini ta’minlash.