Hududdagi jinoyatchilikka qarshi kurashish holati o‘rganildi

Hududlarda jinoyatchilikning oldini olish, sodir etilishi mumkin bo‘lgan huquqbuzarliklarni barvaqt aniqlash va ularning oldini olish borasida amalga oshirilayotgan ishlar doimiy nazoratda.

📍Xalq deputatlari O‘rta Chirchiq tuman Kengashi deputati B.Baxovadinov tomonidan “O‘rtaovul” mahalla fuqarolar yig‘inida faoliyat yuritayotgan profilaktika inspektorining faoliyati o‘rganildi.

🔰O‘rganish davomida mahalladagi jinoyatchilik holati, ayniqsa, “qizil” va “sariq” toifaga kiruvchi hududlarda huquqbuzarliklarning oldini olish, jinoyat sodir etilishiga sabab bo‘layotgan omillarni aniqlash va ularni bartaraf etish borasida olib borilayotgan ishlar tahlil qilindi.

🔰Profilaktika inspektorining aholi bilan ishlash samaradorligi, muammoli oilalar va profilaktik hisobda turuvchi fuqarolar bilan olib borilayotgan profilaktik tadbirlar, hududdagi osoyishtalikni ta’minlash hamda fuqarolarning murojaatlari bilan ishlash holatiga e’tibor qaratildi.

✅Xalq deputatlari O‘rta Chirchiq tuman Kengashi kotibiyati axborot xizmati!