Xalq deputatlari Shirin shahar Kengashi deputati U.Xolmatov tomonidan shahar ixtisoslashtirilgan maktabida o‘quvchilar uchun yaratilgan shart-sharoitlar, ta’lim jarayonining tashkil etilishi, o‘quvchilarning bilim va saviyasi hamda darslarga davomat holati o‘rganildi.

O‘rganish davomida o‘quvchilarning darslarga qatnashishi, mashg‘ulotlarga munosabati va ta’lim olish uchun yaratilgan imkoniyatlar yuzasidan mas’ullar bilan fikr almashildi.

Shuningdek, ta’lim sifatini yanada oshirish, o‘quvchilarning bilimini mustahkamlash, ularning fanlarga bo‘lgan qiziqishini rag‘batlantirish hamda darslarga muntazam qatnashishini ta’minlash masalalariga alohida e’tibor qaratildi.

Deputat tomonidan maktabdagi mavjud imkoniyatlardan samarali foydalanish, o‘quvchilar bilan individual ishlashni kuchaytirish va ta’lim jarayonida aniqlangan masalalarni o‘z vaqtida hal etish yuzasidan tegishli tavsiya va takliflar bildirildi.