Xalq deputatlari Termiz shahar Kengashining 6-“Alpomish” saylov okrugidan saylangan deputati, Kotibiyat mudiri A.Ashurov
tomonidan Alpomish mahallasida fuqarolar bilan sayyor muloqotlar o‘tkazilib,
aholini qiynab kelayotgan muammoli masalalar ko‘chama-ko‘cha yurib o‘rganildi. 

O‘rganishlar davomida mahalla hududidagi xonadonlar holati, fuqarolarning
kundalik hayotida uchrayotgan muammolar, obodonlashtirish va infratuzilma bilan
bog‘liq masalalar yuzasidan aholi bilan bevosita suhbatlar tashkil etildi. 

Fuqarolar tomonidan bildirilgan murojaat va takliflar atroflicha tinglanib,
ularning yechimini topish talab etiladigan masalalar belgilab olindi.
Aniqlangan muammolarni tegishli tashkilot va mas’ullar bilan hamkorlikda
bartaraf etish, ijrosini nazoratga olish hamda natijasi bo‘yicha fuqarolarga
ma’lumot berish choralari ko‘rilmoqda. 

Deputatlik faoliyatining asosiy maqsadi —
fuqarolar murojaatlarida ko‘tarilayotgan masalalarni joyiga chiqqan holda
o‘rganish, ularning qonuniy manfaatlarini himoya qilish va mavjud muammolarni
amaliy yechimga yo‘naltirishdan iborat. 

“Yangi O‘zbekiston qiyofasi” g‘oyasi asosida mahallalarda obodonlik, farovonlik va aholi uchun qulay
shart-sharoitlarni ta’minlashga qaratilgan ishlar deputatlik nazorati orqali
izchil davom ettirilmoqda.