Xalq deputatlari Uchquduq tumani Kengashi kotibiyati bosh mutaxassisi M.Muhammadiyev tomonidan Kengashning 2026-yil 30-iyundagi VII-28-72-5-76-K/26-sonli qarori ijrosi doirasida amalga oshirilayotgan ishlar o‘rganildi.

O‘rganish jarayonida tuman Maktabgacha va maktab ta’limi bo‘limiga qarashli umumta’lim maktablarida inklyuziv ta’lim olayotgan o‘quvchilar uchun yaratilayotgan sharoitlarga alohida e’tibor qaratildi.

Jumladan, 4- va 7-sonli umumta’lim maktablariga tashrif buyurilib, inklyuziv ta’lim olayotgan o‘quvchilarning maktab hududida erkin va xavfsiz harakatlanishini ta’minlash maqsadida qurilgan panduslar holati ko‘zdan kechirildi.

Mazkur chora-tadbirlar nogironligi bo‘lgan va alohida ta’lim ehtiyojlariga ega o‘quvchilar uchun teng imkoniyatlar yaratish, ularning ta’lim olishi va maktab muhitida erkin harakatlanishini ta’minlashga qaratilgan.

Xalq deputatlari Uchquduq tumani Kengashi tomonidan bu boradagi ishlarning ijrosi va samaradorligi yuzasidan o‘rganishlar davom ettiriladi.