Xalq deputatlari Toyloq tuman Kengashi 20-Galabotir saylov okrugi deputati A. Nishonov hamda tuman Kengashi kotibiyati xodimi Sh. G‘afforov tomonidan Galabotir mahallasida istiqomat qiluvchi, nogironligi bo‘lgan fuqaro Asolat Nishonovaning moddiy yordam va pensiya masalalariga oid murojaati o‘rganildi.

Murojaat yuzasidan fuqaroga mavjud davlat imtiyozlari va ijtimoiy ko‘mak choralari bo‘yicha tushuntirishlar berildi. Shuningdek, ijtimoiy xodimga fuqaroning moddiy ta’minotini yaxshilash bo‘yicha tegishli choralarni ko‘rish yuzasidan topshiriq berildi.

Pensiya masalasini hal etish maqsadida deputat tomonidan tuman Pensiya jamg‘armasi bo‘limi bilan hamkorlikda tegishli ishlarni amalga oshirish belgilandi.