Xalq deputatlari Qo‘qon shahar Kengashi kotibiyat mudiri A.Nosirov tomonidan “Isfara guzari” MFY raisi S.Mirzayev bilan birgalikda Lashkar ko‘chasining boshi berk qismi joyiga chiqib o‘rganildi.

O‘rganish davomida ko‘chaning mazkur qismida yomg‘irli kunlarda yog‘ingarchilik suvlari to‘planib qolishi natijasida mahalla aholisi va piyodalar qatnovida qiyinchiliklar yuzaga kelayotgani aniqlandi.

Suvning to‘planib qolishi hududdagi harakatlanish uchun noqulaylik tug‘dirayotgani sababli, ko‘chaning ushbu qismini ta’mirlash hamda muammoni bartaraf etish zarurligi ta’kidlandi.

Mazkur muammoni hal etish maqsadida tegishli mas’ul tashkilotga deputatlik so‘rovi yuborish hamda ko‘chaning boshi berk qismini ta’mirlash bo‘yicha amaliy choralar ko‘rish yuzasidan kelishib olindi.

Masala deputat e’tiborida bo‘lib, yuboriladigan deputatlik so‘rovi natijasi va muammoning bartaraf etilishi holati nazorat qilib boriladi.

Xalq deputatlari Qo‘qon shahar Kengashi