Xalq deputatlari Sardoba tumani Kengashi 14-Navruz okrugi deputati S. Abduvaliyeva tashabbusi bilan Navro‘z mahallasida jinoyatchilikning oldini olishga qaratilgan muhim yig‘ilish tashkil etildi. Mazkur tadbirda huquqni muhofaza qiluvchi organlar vakillari, mahalla faollari, nuroniylar hamda yoshlar keng ishtirok etib, hududdagi ijtimoiy muhitni yanada barqarorlashtirish masalalari muhokama qilindi.

Yig‘ilish davomida jinoyatchilikka sabab bo‘layotgan omillar tahlil qilinib, ayniqsa yoshlar o‘rtasida huquqbuzarliklarning oldini olish, ularning bo‘sh vaqtini mazmunli tashkil etish va bandligini ta’minlash masalalariga alohida e’tibor qaratildi. Deputat S. Abduvaliyeva o‘z nutqida fuqarolarning hushyorligi, mahallada o‘zaro hamjihatlik va mas’uliyat muhitini mustahkamlash muhim ahamiyat kasb etishini ta’kidladi.

Shuningdek, profilaktika ishlarini kuchaytirish, har bir xonadon bilan tizimli ishlash, muammolarni erta aniqlash va ularni bartaraf etish bo‘yicha aniq chora-tadbirlar belgilab olindi. Mutasaddi tashkilotlar va mahalla faollarining o‘zaro hamkorligini yanada kuchaytirish yuzasidan takliflar bildirildi.

Yig‘ilish yakunida belgilangan vazifalarni izchil amalga oshirish orqali mahallada tinchlik-osoyishtalikni ta’minlash, fuqarolarning huquqiy madaniyatini yuksaltirish hamda jinoyatchilikning oldini olishga erishish bo‘yicha kelishuvlarga erishildi.