Xalq deputatlari Buloqboshi tumani Kengashi 8-Uchtepa va Tinchlik saylov okrugi deputati To‘xtaqulov Umarali Akbaraliyevich o‘zining
haftalik ish rejasiga muvofiq Tinchlik MFYda amaliy o‘rganish ishlarini olib bordi. Ushbu jarayonda “Mahalla yettiligi” a’zolari bilan yaqindan muloqot o‘tkazilib, aholi murojaatlari va mavjud muammolarni samarali hal etishdagi hamkorlik masalalari muhokama qilindi. 

Uchrashuv davomida mahalladagi ijtimoiy-iqtisodiy holat, aholini qiynayotgan dolzarb masalalar hamda ularga yechim topish bo‘yicha aniq taklif va tavsiyalar ishlab chiqildi. Deputat tomonidan muammolarni o‘z vaqtida bartaraf etish, aholi farovonligini oshirish va mahalla tizimi faoliyatini yanada kuchaytirishga alohida e’tibor qaratildi. 

Shuningdek, mazkur hududning 2 ta mahallalari ariqlariga suv kelishi qiyin bo’lgani sabab joyi borib o’rgandi, so‘ng maxsus texnika vositasida ariqlar tozalandi ushbu obodonlashtirish ishlarida deputat faol ishtirok etib, mahallaning yanada obod va ko‘rkam bo‘lishiga o‘z hissasini qo‘shdi. Bu kabi tashabbuslar aholi o‘rtasida birdamlik va hamjihatlik muhitini mustahkamlashga xizmat qilmoqda.