#deputatlik_faoliyati #yoshlar_uchrashuvi #ochiq_muloqot

Xalq deputatlari Andijon shahar Kengashi deputati M. Jalolov tomonidan 19-umumiy o‘rta ta’lim maktabining bitiruvchi sinf o‘quvchilari bilan “Yoshlar maqsadi va g‘oyalarini himoya qilishda jamoatchilik vazifalari” mavzusida mazmunli uchrashuv tashkil etildi.

Uchrashuv davomida yoshlarning hayotda o‘z o‘rnini topishi, aniq maqsad bilan yashashi hamda jamiyatda faol fuqaro sifatida shakllanishi kabi muhim masalalarga alohida e’tibor qaratildi. Shuningdek, davlatimiz rahbari tomonidan yoshlar uchun yaratilayotgan keng imkoniyatlar, ta’lim, tadbirkorlik va innovatsion sohalarda berilayotgan imtiyozlar haqida batafsil ma’lumotlar berildi.

Deputat tomonidan yoshlarni o‘z ustida ishlashga, zamonaviy kasb-hunarlarni egallashga, xorijiy tillarni o‘rganishga hamda raqobatbardosh mutaxassis bo‘lib yetishishga undovchi amaliy tavsiyalar bildirildi. Ayniqsa, yoshlarning tashabbuslarini qo‘llab-quvvatlash va ularning g‘oyalarini ro‘yobga chiqarishda jamoatchilikning o‘rni muhim ekani ta’kidlandi.

Tadbir jonli muloqot tarzida o‘tib, o‘quvchilar o‘zlarini qiziqtirgan savollarga javob oldilar, kelajakdagi reja va maqsadlari bilan o‘rtoqlashdilar. Uchrashuv yoshlar qalbida yangi g‘oyalar va katta ishonch uyg‘otdi.

📌 Bunday uchrashuvlar yoshlarni yanada faollikka chorlab, ularni Vatan ravnaqi yo‘lida mas’uliyatli va tashabbuskor etib tarbiyalashda muhim ahamiyat kasb etadi.