Xalq deputatlari Angor tumani Kengashining 15-Qo‘shtegirmon saylov okrugi deputati Almardonov Nurqobil Madaniyat mahallasida bo‘lib, hududdagi issiqxona xo‘jaligi faoliyati bilan tanishdi. Tashrif davomida deputat issiqxonada yetishtirilayotgan sabzavot ekinlarining parvarishi, agrotexnik tadbirlarning olib borilishi hamda hosildorlikni oshirish bo‘yicha amalga oshirilayotgan ishlarni ko‘zdan kechirdi. Shuningdek, issiqxona egalari bilan suhbatlashib, ularning faoliyati, mavjud sharoitlar va kelgusidagi rejalar haqida fikr almashdi. Deputat tomonidan aholini bandlik bilan ta’minlash, tomorqa va issiqxona xo‘jaliklaridan samarali foydalanish muhimligi ta’kidlanib, bu borada zarur tavsiya va takliflar berildi. Mazkur tashrif hududda qishloq xo‘jaligi sohasini rivojlantirish, aholining daromadini oshirish hamda tomorqalardan unumli foydalanishni rag‘batlantirishga xizmat qiladi.