Xalq deputatlari Parkent tuman Kengashi deputati Usipxodjayev Yerlan Ormanovich tomonidan tumanimizdagi “Bahor” nomli 10-DMTTda bolalar ovqatlanishi sifati va uning samaradorligini oshirishga qaratilgan jamoatchilik nazorati o‘tkazildi.Tadbir davomida O‘zbekiston Respublikasi Vazirlar Mahkamasining davlat maktabgacha ta’lim muassasalarida sog‘lom ovqatlantirish tizimini takomillashtirishga oid qarori ijrosi doirasida maktabgacha ta’lim tashkilotidagi mavjud sharoitlar, oziq-ovqat mahsulotlari sifatini nazorat qilish tizimi, oshxona jihozlarining texnik holati, taomnomalarning belgilangan me’yorlarga mosligi o‘rganildi. O‘rganishlar davomida bog‘chada sanitariya talablariga to‘liq rioya etilayotgani, mahsulotlarni saqlash va tarqatish qoidalariga amal qilinayotgani hamda menyularda ozuqa moddalari miqdori belgilangan me’yorlarga mos ekani aniqlandi.Tadbir yakunida deputat tomonidan bolalarning sog‘lom va barkamol rivojlanishi uchun har bir maktabgacha ta’lim muassasasida taom sifati, oziq-ovqat xavfsizligi, oshpazlar malakasi, sanitariya-gigiyena talablariga rioya etilishi doimiy nazorat ostida bo‘lishi lozimligi ta’kidlandi.