Sport inshootlari holati o‘rganildi – sportchi yoshlar bilan ochiq muloqot

Kengashning 1-yarim yillik “media-reja”sida belgilangan “Mahallalardagi sport maydonchalari, maktab va kollejlarning sport zallari, mavjud inventarlar va ularning foydalanish holatini oʻrganish, yoshlarni sportga jalb etish” borasidagi ishlar holati tuman deputati Bo‘tayev Akrom tomonidan o‘rganildi. Xususan, mahallalardagi sport maydonchalari, umumta’lim maktablari va kollejlarning sport zallari, mavjud inventarlar hamda ularning foydalanish darajasi tahlil qilinmoqda.

Shu maqsadda tuman Kengashi deputati 1-sonli sport maktabi hamda 2-sonli sport maktabida bo‘lib, yosh sportchilar bilan ochiq muloqot o‘tkazdi. Tashrif davomida mashg‘ulot jarayonlari bevosita kuzatilib, sportchilarga yaratilgan shart-sharoitlar, mavjud sport anjomlari, zal va maydonlarning holati bilan yaqindan tanishildi.

📄 O‘rganishlar jarayonida:

🔘 sport zallarining isitish va yoritish tizimi holati;

🔘 paraolimpiya yo‘nalishidagi sportchilar uchun yaratilgan shart-sharoitlar;

🔘 murabbiylar tarkibi va mashg‘ulotlar sifati;

🔘 iqtidorli yoshlarni aniqlash va qo‘llab-quvvatlash ishlari;

🔘 qizlar sportini rivojlantirish borasidagi chora-tadbirlar, atroflicha muhokama qilindi.

Sportchilar bilan suhbat davomida ularning taklif va mulohazalari tinglanib, mavjud muammolar yuzasidan tegishli tashkilotlarga deputat so‘rovi kiritish hamda amaliy yordam ko‘rsatish masalalari belgilab olindi.

Ta’kidlanganidek, yoshlarni sportga keng jalb etish, ularning bo‘sh vaqtini mazmunli tashkil qilish hamda sog‘lom turmush tarzini targ‘ib etish bugungi kunning ustuvor vazifalaridan biridir. Bu boradagi ishlar deputat nazoratida davom etadi.

Xalq deputatlari Boyovut tumani Kengashi kotibiyati