Xalıq deputatları Bozataw rayonlıq Keńesi deputatı J.Jumanazarov tárepinen Prezidentimizdiń Múrájatın xalıqqa úgit-násiyatlaw boyınsh ózi saylanǵan aymaqtaǵı 7-sanlı mektepte ushırasıw bolıp ótti. 

Eń birinshi orında Prezidentimiz máhállemizde awıllarımızda ámelge asırılǵan jetiskenliklerimiz, jaslarımız tálim-tárbiya, mádeniyat hám sport tarawında erisken jetiskenlikleri hám erisken tabısları haqqında tolqınlanıp atap ótti. Usı jerde máhálle dep atalǵan kishi bir Watanda ishki jollar, elektr támiynatı, ishimlik suwı menen tolıq támiyinlew, mektep-baqshalarımız, medicina mákemesi hám balalarımız oynaytuǵın sport orınlarımızdı abat etiwdi eń tiykarǵı wazıypa sıpatında birinshi orınǵa qoyǵanlıǵı xalqımızdıń tán alıwına sebep boldı. 

Mámleketimiz basshısı tárepinen 2026-jıldı "Máhállelerdi rawajlandırıw hám jámiyetti jetilistiriw" jılı dep járiyaladı. Bul atama hámmeni ruwxlandırıp
jiberdi. Elimizde sońǵı jıllarda xalqımızdıń abadan jasawı ushın jaratılıp atırǵan sharayatlar, jas shańaraqlarımız ushın qurılıp atırǵan zamanagóy turaq jaylar, jaslarımızdıń tálim-tárbiya alıwında jaratılǵan sharayatlar, sport tarawında sporchı jaslarımız erisken sheksiz jetiskenlikler tiykarında olarǵa berilgen itibar turǵanı hár qanday insandı tolqınlandıradı. Jurtbasshımız tárepinen etilgen múrájattıń hár bir bántin, hár bir sózin itibarsız
tıńlamadıq. Álbette, elimizdiń rawajlanıwı, xalqımızdıń abadanlıǵı, perzentlerimizdiń keleshegin belgileytuǵın tiykarǵı maqsetke baǵdarlanǵan jıl
baǵdarlamasına erteńgi kúnimizdiń rejesi, tiykarǵı maqseti ámeliy wazıypalardıń kirgizilgeni hár qanday insandı ruwxlandıradı. 

Múrájat hár bir Ózbekstan xalqı qatarında húrmetli xalqımız wákilleri húrmetli deputatlarımızǵa da xalıq isenimi jolında jáne de kúsh-ǵayratlı hám ádalatlı miynet etiwge imkaniyat berdi. Ózbekstan xalqı búgin eń baxıtlı kúnlerde tınısh hám abadan turmısta jasamaqta. Bul paraxat turmıstıń
qádirine jeteyik. Bizge háwes kózi menen qarap atırǵan mámleketler menen birge háwes názerin qadap atırǵan dushpanlardan elimizdi saqlayıq. Búgin jaqsı jasayman, abadan turmıs keshireyin degen watanlaslarımız ushın úlken imkaniyat, sharayatlar bar. Shúkirshilik sheksiz. Solay eken, búgingi kúnimiz, baxıtlı keleshegimiz jolında elimiz basshısınıń janında isenim hám kúsh-ǵayrat penen jedel qádem taslayıq. 

Hár bir taraw ieleri, ol awıl xojalıǵı xızmetkeri me, yamasa shıpaker me, oqıtıwshı ma yamasa qurılısshı ma, isbilermen be, xızmetker me, múrájat biziki, biziń baǵdarlamamız dep qabıl eteyik. Elimiz bunnan da abat hám bereketli bolsın. Shańaraqlarımız tınısh, perzentlerimiz ullı insanlar bolsın. Jurtbasshımızǵa jáne de kúsh-quwat, uzaq ómir bersin.