Deputatlar va mutaxassislar hududda bunyodkorlik va obodonlashtirish ishlari natijalari bilan yaqindan tanishish maqsadida ko‘chama-ko‘cha yurib, quyidagilarni o‘rgandilar:

💬Ta’mirlangan ichki yo‘llar, piyodalar yo‘lakchasi holati: Aholi uchun xavfsiz harakatlanishni ta’minlovchi piyodalar yo‘lakchalarining qurilishi sifati va mavjudligi tahlil qilindi.

💬Yangi o‘rnatilgan elektr ustunlari holati: Hududdagi aholini uzluksiz elektr energiyasi bilan ta’minlash maqsadida o‘rnatilgan yangi elektr ustunlari, ularning texnik holati va mavjud talablarga javob berishi baholandi.

💬Rekonstruksiya qilinishi rejalashtirilgan yashil bog‘ holati: Mahalla aholisi, ayniqsa yoshlar uchun dam olish maskani bo‘ladigan yashil bog‘ hududining bugungi holati o‘rganildi. Bog‘ni rekonstruksiya qilish bo‘yicha mavjud loyihalar va kelgusi rejalar muhokama qilindi.

💬"Bizning maqsadimiz — aholi uchun nafaqat ishonchli boshqaruv, balki qulay va obod muhitni yaratishdir. Qurilish ishlarining sifati va ijrosi doimiy nazoratimizda bo‘ladi," — deya ta'kidlashdi mas’ullar.

🫥Aniqlangan kamchiliklar va yashil bog‘ni rekonstruksiya qilish bo‘yicha takliflar umumlashtirilib, shahar Kengashining tegishli doimiy komissiyasining navbatdagi yig‘ilishlarida muhokama qilinishi belgilanib olindi.