Халқ депутатлари Наманган вилояти Кенгаши котибияти мудири Т. Гаппаров ва Уйчи тумани ҳокими М. Абдуллаевлар томонидан Уйчи тумани ҳокимлиги матбуот котиби, ахборот сиёсати масалалари бўйича маслаҳатчиси Мухаммадали Қамбаровнинг 50 йиллик юбилейи муносабати билан самимий табрикладилар.

Табрик сўзида кўп йиллик самарали меҳнати, ахборот сиёсати соҳасида тўплаган бой тажрибаси, жамоатчилик билан очиқ ва самарали мулоқотни йўлга қўйишдаги фаол иштироки алоҳида таъкидлаб ўтилди. Унинг туман ҳаётидаги муҳим воқеа-ҳодисаларни тезкор ва холис ёритиш, давлат органлари фаолиятининг очиқлигини таъминлаш борасидаги хизматлари муносиб эътироф этилди.

Шунингдек, Халқ депутатлари Кенгаши фаолиятини оммавий ахборот воситалари орқали кенг ёритиш, депутатлар фаолиятини аҳолига етказиш, жамоатчилик фикрини шакллантиришдаги самарали ҳамкорлиги учун миннатдорлик билдирилди.

Тадбир доирасида туман ҳокими билан Кенгаш олдида турган устувор вазифалар, ҳудудни ижтимоий-иқтисодий ривожлантириш, аҳоли муаммоларини ҳал этиш ҳамда депутатлик назоратини кучайтириш масалалари юзасидан фикр алмашилди.