Joriy yilning 23-aprel kuni Xalq deputatlari Uchquduq tuman Kengashi raisi U.Salimov hamda tuman Kengashi kotibiyati mudiri M.Kamolova tomonidan tuman Kengashiga aholidan kelib tushgan murojaatlarni joyiga chiqib o‘rganish maqsadida “Mustaqillik” mahallasida joylashgan 15-uyda istiqomat qiluvchi fuqarolar bilan uchrashuv o‘tkazildi.

 Uchrashuv davomida mazkur ko‘p qavatli uyga xizmat ko‘rsatuvchi boshqaruv kompaniyasi faoliyati atroflicha o‘rganildi.

 Shuningdek, aholi murojaatlari yuzasidan tuman mutasaddi tashkilotlari rahbarlari tomonidan fuqarolarga zarur tushuntirishlar berildi.

 Takidlab o'tildiki, ushbu ko‘p qavatli uy Xalq deputatlari tuman Kengashining 2026-yil 12-martdagi VII-22-27-5-76-K/26-sonli qarori bilan tasdiqlangan manzilli ro‘yxatga kiritilgan bo‘lib, 2026–yilning kuz mavsumiga qadar joriy ta’mirlash ishlari amalga oshiriladi.

 Mazkur ro‘yxat asosida 15-ko‘p qavatli uyda ta’mirlash ishlari olib borilishi yuzasidan aholiga ma’lumot berildi.