Mazkur o‘rganishlar davomida fuqarolar tomonidan mahalla hududidagi ayrim ichki yo‘llarning ta’mirtalab holga kelgani, bu esa aholiga noqulayliklar tug‘dirayotgani ta’kidlab o‘tildi. Deputat bevosita ushbu ko‘chada bo‘lib, yo‘l infratuzilmasining bugungi ahvolini joyiga chiqib ko‘zdan kechirdi hamda mas’ul tashkilotlar bilan bog‘landi. O‘rganishlar natijasida mazkur ko‘cha joriy yil uchun tasdiqlangan ta’mirlash dasturiga kiritilgani va yaqin kunlarda ta’mirlash ishlari boshlanishi rejalashtirilgani ma’lum qilindi. Shu tariqa deputat tomonidan mazkur masala ustidan deputatlik nazoratini o‘rnatish, amalga oshirilayotgan ishlarning sifati va muddatlariga alohida e’tibor qaratish belgilab olindi.