Xalq deputatlari Quva tuman Kengashi deputati M.Sayfidinov, kotibiyat mudiri
R.Nodirov hamda kotibiyat bosh mutaxassisi A.Fozilov tomonidan Quva mahalla
fuqarolar yigʻinida aholini tadbirkorlikka jalb etish, tadbirkorlikni har
tomonlama qoʻllab-quvvatlash va yangi ish oʻrinlarini yaratish borasida,
xususan, 2026 yilning birinchi choragi davomida ushbu yoʻnalishda bajarilgan
ishlar tahlil qilinib, mahallada tadbirkorlik muhitini yanada rivojlantirishga
qaratilgan chora-tadbirlar samarasi oʻrganildi.

Jumladan, mahalla raisi va hokim yordamchisi koʻmagida tadbirkorlik faoliyatini boshlash
istagida boʻlgan 16 nafar fuqaroga imtiyozli kredit mablagʻlari ajratilgani,
ushbu mablagʻlarning maqsadli va samarali ishlatilishi ustidan tizimli nazorat
oʻrnatilgani eʼtirof etildi.

Shuningdek, deputatlar yosh tadbirkor Y.Hakimov tomonidan mahallada tashkil etilgan yumshoq
mebellar ishlab chiqarishga ixtisoslashgan sex faoliyati bilan yaqindan tanishdilar
va u yerda yaratilgan sharoitlar, mahsulot sifati hamda bozor talabiga mos
ravishda faoliyat yuritish holati oʻrganilib, faoliyatni yanada kengaytirish,
yangi ish oʻrinlari yaratish yuzasidan amaliy tavsiyalar berildi.

Oʻrganishlar yakunida mahallada tadbirkorlikni
rivojlantirish, aholi bandligini taʼminlash va daromad manbalarini kengaytirish
borasidagi ishlarni yanada jadallashtirish boʻyicha mahalla raisi hamda hokim
yordamchisiga tegishli taklif va tavsiyalar berdilar.

Slide 1 of 4