Aholi muammolari xonadonbay o‘rganilib, pilla mavsumiga tayyorgarlik kuchaytirilmoqdaXalq deputatlari tuman Kengashi deputati M.Karimova tegishli mas’ullar bilan birgalikda hududlarda bo‘lib, aholi muammolarini xonadonbay yurib o‘rganmoqda. Fuqarolar tomonidan ko‘tarilayotgan ijtimoiy, kommunal va infratuzilmaga oid masalalar atroflicha tinglanib, ularni hal etish yuzasidan aniq choralar belgilab olinmoqda.

O‘zbekiston Respublikasi Prezidentining 2026-yil 6-martdagi “Ipakchilik sohasini yangi tizim asosida rivojlantirish hamda ozuqa bazasini mustahkamlashga doir qo‘shimcha chora-tadbirlar to‘g‘risida”gi qaroriga asosan hududlarda tizimli ishlar olib borilmoqda. Xususan, ipak qurti urug‘larini yetishtirish, parvarishlash va hosildorlikni oshirish jarayonlari yuzasidan mutaxassislar tomonidan aholiga tavsiyalar berilmoqda.

Shu bilan birga, hududda pilla mavsumiga tayyorgarlik ko‘rish ishlari ham alohida e’tiborga olinmoqda. Deputat shakllantirilgan zvenolar bilan uchrashib, ularning faoliyati, mavjud sharoitlar hamda duch kelinayotgan muammolar bilan yaqindan tanishdi.

O‘rganishlar yakunida sohada samaradorlikni oshirish, aholi bandligini ta’minlash hamda mavjud kamchiliklarni bartaraf etish bo‘yicha tegishli tavsiyalar berildi.

Ma'lumot uchun Joriy yilda tumanda 6380 quti ipak qurti boqilishi va 383 tonna pilla olish rejalashtirilgan.