Xalq deputatlari Chilonzor tumani Kengashi deputati Tashmuhamedova Muhabbat Baxtiyorovna tomonidan yuborilgan 21-ds-413-26-sonli so‘rov bo‘yicha rasmiy javob olingan. Mazkur so‘rovda tumandagi 2-Qatortol va Botirma ko‘chalari kesishmasida joylashgan irrigatsiya tarmog‘i ustidan piyodalar uchun xavfsiz va qulay o‘tish yo‘lagini tashkil etish, xususan, ko‘prik qurish zarurati ko‘tarilgan edi. 

Chilonzor tumani hokimligi tomonidan taqdim etilgan javobga ko‘ra, ushbu hududdagi masala mutasaddi tashkilotlar tomonidan o‘rganilgan. Amaldagi qonunchilikka muvofiq, bunday turdagi qurilish ishlari tasdiqlangan manzilli dastur asosida va mablag‘ ajratilgandan so‘ng belgilangan tartibda amalga oshirilishi ma’lum qilingan. Shuningdek, hozirda mazkur manzilda irrigatsiya tarmog‘i ustida beton ko‘prik mavjudligi qayd etilgan. 

Mazkur masala deputat nazoratida bo‘lib, fuqarolar uchun xavfsiz va qulay infratuzilma yaratish bo‘yicha ishlar izchil davom ettiriladi.