Xalq deputatlari Ulug‘nor tumani Kengashi raisi X.Raximov tomonidan og‘ir toifadagi mahallalarda aholi bilan ochiq muloqotlar o‘tkazildi. Mazkur uchrashuvlar hududlarda ijtimoiy-iqtisodiy muhitni yaxshilash, aholi turmush darajasini oshirish va mavjud muammolarni joyida hal etish maqsadida tashkil etildi. Uchrashuv davomida fuqarolar tomonidan ko‘tarilgan masalalar diqqat bilan tinglanib, ularning har biri yuzasidan aniq chora-tadbirlar belgilab olindi. Xususan, tomorqa yerlaridan samarali foydalanish, aholining daromad manbalarini kengaytirish, qishloq xo‘jaligi mahsulotlarini yetishtirishda zamonaviy yondashuvlarni joriy etish masalalariga alohida e’tibor qaratildi. Shuningdek, mahallalarni obodonlashtirish, ichki yo‘llarni ta’mirlash, hududlarni ko‘kalamzorlashtirish, sanitariya holatini yaxshilash kabi dolzarb yo‘nalishlar yuzasidan ham fikr almashildi. Kengash raisi ushbu ishlarni tizimli tashkil etish orqali mahallalarda yanada qulay va zamonaviy infratuzilmani shakllantirish zarurligini ta’kidladi. Bunday ochiq muloqotlar aholi bilan yaqin hamkorlikni mustahkamlash, joylardagi dolzarb masalalarni o‘z vaqtida hal etishda muhim ahamiyat kasb etishi qayd etildi.