Xalq deputatlari Samarqand shahar Kengashi deputatlari B.Rahmonov va F.G‘aybullayevlar shahardagi bir qator dorixonalar hamda savdo shoxobchalari faoliyati bilan yaqindan tanishdilar.

O‘rganishlar jarayonida dori-darmonlar sifatini oshirish, qalbaki mahsulotlarga qarshi kurashish, shuningdek, sohaga oid qabul qilinayotgan qonunchilik hujjatlarining mazmun-mohiyati yuzasidan tadbirkorlar va fuqarolarga tushuntirishlar berildi.

 Deputatlar tomonidan dori vositalari narxining oshib borayotgani aholining dolzarb muammolaridan biri ekani alohida ta’kidlandi. Fuqarolarning fikr-mulohazalari tinglanib, sohani yanada rivojlantirishga qaratilgan takliflar ilgari surildi.

 Aholini sifatli va hamyonbop dori vositalari bilan ta’minlash, sog‘liqni saqlash tizimida samaradorlikni oshirish ustuvor vazifalardan biri sifatida qayd etildi.

 Shuningdek, dorixonalar faoliyati o‘rganilib, “Reklama to‘g‘risida”gi qonun talablari, xususan dori vositalari reklamasiga oid me’yorlarga rioya etilishi yuzasidan ham nazorat olib borildi.

 Aniqlangan kamchiliklar yuzasidan mutasaddi tashkilotlarga tegishli tavsiyalar berildi va masalalar nazoratga olindi.