Xalq deputatlari Toshloq tuman Kengashi deputati A. Soliyev Qamchifurush mahalla fuqarolar yig‘inida bo‘lib, mahalla raisi, hokim yordamchisi hamda xotin-qizlar faoli bilan birgalikda aholini kambag‘allikdan chiqarish bo‘yicha amalga oshirilayotgan ishlar samaradorligini muhokama qildi.

Uchrashuv davomida mahallada ijtimoiy himoyaga muhtoj oilalarni qo‘llab-quvvatlash, ularni doimiy daromad manbaiga ega qilish, kasb-hunar o‘rgatish va tadbirkorlikka jalb etish borasida olib borilayotgan ishlar tahlil qilindi. Shuningdek, “Temir daftar”, “Ayollar daftari” va “Yoshlar daftari”ga kiritilgan fuqarolar bilan ishlash holati ko‘rib chiqildi.

Deputat tomonidan mas’ullarga mavjud muammolarni o‘z vaqtida aniqlash, har bir xonadon bilan manzilli ishlash hamda ajratilayotgan imtiyoz va imkoniyatlardan samarali foydalanish yuzasidan tegishli tavsiyalar berildi.