Xalq deputatlari Parkent tuman Kengashiga 19-Chashma saylov okrugidan saylangan deputat Xojiboyev Jalol Xotamboyevich o‘zi saylangan okrugdagi “Xurriyat” mahallasida joylashgan 16-sonli umumiy o‘rta ta’lim maktabiga tashrif buyurdi.Tashrif davomida maktab kutubxonasining holati bilan yaqindan tanishdi. O‘rganish jarayonida deputat J.Xojiboyev bilan birga tuman Kengashi kotibiyati mudiri Berdiqulova Mavluda Tojiddinovna hamda tuman Kengashi kotibiyati bosh mutaxassisi D.Mirzayevlar ham ishtirok etdi. Oʻrganish jarayonida muassasa xodimlari bilan ish faoliyati, kutubxonada mavjud kitoblar umumiy fondi, kitobxonlar uchun yaratilgan sharoitlar, kutubxona xizmatlari sifatini oshirish uchun bajarilayotgan ishlar boʻyicha suxbatlashildi. Uchrashuv yakunida deputat tomonidan muassasa hodimlarining muammolari, taklif va ehtiyojlari tinglanib, kutubxona faoliyatini yanada jonlantirish, yoshlarning bo‘sh vaqtini mazmunli tashkil etish uchun kitobxonlikni keng targ‘ib etish zarurligi ta’kidlandi.