Ózbekstan Respublikası Prezidenti basshılıǵında 2026-jıl 13-mart kúni ótkerilgen "Xalıq múrájatları menen islesiw sistemasın jańa basqıshqa alıp shıǵıw hám jámiyetshilik pikirin tereń tallaw" máselelerine baǵıshlanǵan videoselektor májilisinde berilgen tapsırmalar tiykarında Xalıq deputatları Qaraózek rayonlıq Keńesiniń korrupciyaǵa qarsı gúresiw hám qáwipsizlik máseleleri boyınsha turaqlı komissiyasınıń Keńestegi turaqlı komissiyalar menen qospa májilisi ótkerildi. 

Májiliske turaqlı komissiya baslıqları, rayon hákimi orınbasarı I.Kosıbaev, xalıq qabıllawxanadan hám rayonlıq mákeme, shólkem wákilleri qatnastı. 

Májiliste múrajatlar boyınsha jańasha sistema engiziw, xalıqtıń múrájatları menen islesiw sistemasın jetilistiriw baǵdarında ámelge asırılıw tiyis wazıypalar kórip shıǵılıp, 2026-jıldıń birinshi sherek juwmaǵı menen múrajatlar boyınsha ámelge asırılǵan jumıslar sessiyada keń túrde talıqlaw hám xalıqqa jetkeriw belgilenip alındı.