Xalq deputatlari Olmaliq shahar Kengashi deputati Muhiddin Abdullayev hamda Kotibiyat bosh mutaxassisi Mukarram Nematullayevalar tomonidan shahar Adliya bo‘limida hamda davlat xizmatlari markazida o‘rganish ishlari olib borildi.

Mazkur o‘rganishdan ko‘zlangan asosiy maqsad — aholining huquqiy savodxonligini oshirish, ularga ko‘rsatilayotgan xizmatlarning sifatini tahlil qilish hamda tizimdagi mavjud holatni o‘rganishdan iborat.

🔍 O‘rganish davomida quyidagilarga e’tibor qaratildi:

🔹Yuridik xizmatlar sifati: Fuqarolarning murojaatlari bilan ishlash, ularga bepul huquqiy maslahatlar berish va davlat xizmatlari ko‘rsatish jarayonlari ko‘zdan kechirildi;

🔹Amalga oshirilgan ishlar tahlili: Bugungi kunga qadar bo‘lim tomonidan qancha fuqaroning buzilgan huquqlari tiklangani va qonun ustuvorligini ta’minlash borasidagi hisobotlar muhokama qilindi;

🔹Muammolar va yechimlar: Sohaga oid masalalar yuzasidan ochiq muloqot o‘tkazilib, kelgusida amalga oshirilishi lozim bo‘lgan ustuvor vazifalar belgilab olindi.

✍️Kelgusidagi rejalar:

Uchrashuv yakunida aholining huquqiy madaniyatini yuksaltirish hamda davlat xizmatlarini sifatini oshirish bo‘yicha mahallalarda targ'ibot tadbirlarini ko‘paytirish va deputatlik so‘rovi asosida dolzarb masalalarni hal etish bo‘yicha kelishib olindi.