📌 Deputat sorawı jiberildi 

Xalıq deputatları Nókis qalalıq Keńesi deputatı tárepinen "Abat mákan" mákan puqaralar jıyını, Lashin kóshesi turǵını - G.Abdigaliyev hám basqalar tárepinen bildirilgen múrájatlar tiykarında deputatlıq soraw jiberildi. 

Múrájatta atap ótilgenindey, Lashin kóshesinde báhár máwsimi baslanǵanınan berli ishimlik suwı támiynatında úzilisler baqlanıp atırǵanı xalıqqa qolaysızlıq tuwdırmaqta. Sonday-aq, bul kóshede usı jılı baslamalı byudjet sheńberinde joldı asfaltlaw joybarı jeńimpaz bolǵanı atap ótilip, ońlaw jumıslarınan aldın suw támiynatı sistemasın qayta kórip shıǵıw hám bar kemshiliklerdi saplastırıw boyınsha ámeliy járdem soralǵan. 

Bul jaǵdaydı esapqa alǵan halda, deputat tárepinen tiyisli shólkemlerdiń atına jollanǵan sorawda Lashin kóshesindegi suw támiynatı mashqalasın úyreniw, nasazlıqlardı saplastırıw hám jol ońlaw jumısların sapalı ámelge asırıw ushın zárúr ilajlar kóriw máselesi kóterildi. 

🔍 Bul másele deputat qadaǵalawına alındı.