🔹Xalq deputatlari Bekobod tuman Kengashi deputatlari B.Yulchiyev va S.Shokirovalar tomonidan mahallalarda aholi, ayniqsa yoshlar va bolalar uchun yaratilgan sport inshootlarining holati o‘rganildi.

🔹O‘rganish jarayonida hududlarda mavjud sport maydonchalari, bolalar o‘yingohlari, ularning texnik holati, foydalanish imkoniyatlari hamda xavfsizlik darajasi atroflicha ko‘zdan kechirildi. Shuningdek, mazkur inshootlarning aholiga qulayligi, ulardan samarali foydalanish holati va mavjud kamchiliklar tahlil qilindi.

🔹Deputatlar tomonidan sport inshootlarini ta’mirlash, ularni zamonaviy jihozlar bilan ta’minlash, bolalar va yoshlar uchun xavfsiz hamda qulay sharoitlar yaratish yuzasidan tegishli tavsiyalar berildi. 🔹Aholi fikrlari va takliflari ham o‘rganilib, bu borada amalga oshirilishi lozim bo‘lgan chora-tadbirlar belgilab olindi.