Joriy yilning 16-mart kuni xalq deputatlari Zarafshon shahar Kengashining mahalliy budjet,
tadbirkorlikni rivojlantirish va iqtisodiy islohatlar masalalari bo‘yicha doimiy komissiyasining navbatdagi yig‘ilishi o‘tkazildi. Yig‘ilishda shahar kambag‘allikni qisqartirish va bandlikka ko‘maklashish bo‘limi bosh mutaxassisi Sh. Rajabovning “O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlari
yaratish hamda kambag‘allikni qisqartirish chora-tadbirlari to‘g‘risida”gi PQ-49-son qarorining shahardagi ijrosi to‘g‘risida”gi hisoboti, “Hunarmand” uyushmasi shahar bo‘limi rahbari M.Jabborovaning “Shaharda hunarmandchilikni rivojlantirish yuzasidan mavjud normativ huquqiy hujjatlar ijrosi holatini o‘rganish va natijalari to‘g‘risida”gi hisoboti hamda Zarafshon shahar iqtisodiyot va moliya bo‘limi bosh mutaxassisi M.Usmanovning “Zarafshon shahardagi Navro‘z mahallasini “Yangi O‘zbekiston qiyofasidagi” mahalla toifasiga o‘tkazish hamda zarur infratuzilmani yaratish uchun mahalliy budjetidan moliyalashtirilgan mablag‘larning
sarflanishi bo‘yicha manzilli dastur to‘g‘risida” gi hisoboti tinglandi. Doimiy komissiya a’zolari ushbu sohalarda bajarilishi lozim bo‘lgan masalalar yuzasidan o‘zlarining taklif va mulohazalarini bildirishdi. Xalq deputatlari Zarafshon shahar Kengashining mahalliy budjet, tadbirkorlikni rivojlantirish va iqtisodiy islohatlar masalalari bo‘yicha doimiy komissiyasi ushbu masalalarni xalq deputatlari shahar Kengashining navbatdagi sessiyasida ko‘rib chiqish yuzasidan xulosalar berishdi.