Xalq deputatlari Termiz tuman Kengashi kotibiyat mudiri A.Avliyakulov 11-Sabzipoya saylov okrugidan saylangan deputat S.Ikromov hududida olib borayotgan ishlar mahalla bilan hamkorlik hamda mahalla yettiligi faoliyati bilan tanishish maqsadida Sabzipoya mahallasi hududiga o‘rganishga chiqildi natijada.

2025 yilda mahalla yettiligi va deputatlar o‘rtasidagi hamkorlik samarali tashkil etilgani, bu esa hududdagi aholi manfaatlarini himoya qilish va ularning roziligini oshirishga xizmat qildi. Deputatlar mahalla yettiligi bilan birgalikda aholi xonadonlarini joyida o‘rganish, mavjud muammolarni aniqlash, ehtiyojmand oilalarni qo‘llab-quvvatlash va hududni obodonlashtirish bo‘yicha bir qator amaliy ishlarni amalga oshirdi.

Hududdagi fuqarolar, ayniqsa, mahalla yettiligi va deputatlar faoliyati bilan tanishib, deputatlarning hududdagi hayot sifatini yaxshilashga qaratilgan sa’y-harakatlaridan mamnun ekanliklarini bildirdi. 2025 yilda deputat tomonidan amalga oshirilgan ishlar, shu jumladan ijtimoiy himoya, bandlikni ta’minlash, yoshlar va xotin-qizlar bilan ishlash, shuningdek, aholining murojaatlarini tezkor hal etish kabi yo‘nalishlar samarali natijalar berdi.

Yangi 2026 yilda hamkorlikni yanada rivojlantirish, hududdagi mavjud muammolarni bartaraf etish va aholi manfaatlarini yanada keng qamrovda ta’minlash maqsadida aniq rejalar belgilandi. 

Deputat hududda faoliyatni tizimli tashkil etish, belgilangan reja-grafiklarni sifatli amalga oshirish va aholi murojaatlarini yanada tezkor hal etish bo‘yicha ustuvor vazifalarni belgiladi. Shu bilan birga, fuqarolar bilan bevosita muloqotlarni kuchaytirish, mahalla yettiligi bilan muntazam maslahatlar o‘tkazish va ijtimoiy loyihalarni davom ettirish rejalashtirilmoqda.