Халқ депутатлари Хатирчи туман Кенгаши
котибияти мудири У.Одилов ҳамда Кенгашнинг Маҳаллий бюджет, иқтисодий
ислоҳотларни амалга ошириш, инвестициялар ва тадбиркорликни ривожлантириш
масалалари бўйича доимий комиссияси ташаббуси билан “Бозорлар ва улардаги
нарх-наволарнинг ҳолати тўғрисида” йиғилиш бўлиб ўтди. 

Йиғилишда тумандаги деҳқон бозорлари ва
савдо нуқталарида озиқ-овқат маҳсулотлари ҳамда кундалик истеъмол товарлари
нархларининг шаклланиши, уларнинг барқарорлигини таъминлаш ва асоссиз
оширилишининг олдини олиш масалалари атрофлича муҳокама қилинди. 

Шунингдек, бозорларда рақобат муҳитини
шакллантириш, тадбиркорлар учун қулай шарт-шароитлар яратиш, аҳолини сифатли ва
арзон маҳсулотлар билан таъминлаш борасида амалга оширилаётган ишлар таҳлил
этилди. 

Йиғилиш якунида тегишли ташкилотларга
бозорларда доимий мониторинг ўрнатиш, нархларни назорат қилишни кучайтириш
ҳамда аҳолининг ижтимоий ҳимояга муҳтож қатламларини қўллаб-қувватлашга
қаратилган чора-тадбирларни изчил амалга ошириш бўйича топшириқлар берилди.