Xalq deputatlari Ishtixon tumani Kengashi deputati J.Mavlyanov tomonidan Toytuyoq mahallasida xotin-qizlar faoli faoliyati samaradorligini o‘rganish maqsadida joyiga chiqib o‘rganish o‘tkazildi.

Mazkur o‘rganish fuqarolarning deputatga murojaatlarini tezkor va samarali ko‘rib chiqish hamda mahalla faoliyatini nazorat qilish jarayonida amalga oshirildi.

🔍 O‘rganish davomida aniqlanishicha, mahalladagi xotin-qizlar faoli F.Eshanqulova orqali uy-joyni ta’mirlash masalasi yuzasidan deputatga murojaat qilgan fuqaro D.Ortiqovaning murojaati joyiga chiqib ko‘rib chiqildi.

📝 Mazkur murojaatga ko‘ra, fuqaro uyini ta’mirlash hamda doimiy ish bilan ta’minlanish masalasida amaliy yordam so‘ragan.

📌 Murojaatni joyiga chiqqan holda o‘rganish jarayonida fuqaroning ehtiyojini qondirish uchun tegishli choralarni ko‘rish bo‘yicha ko‘rsatma berildi.

 Shu jumladan:

 - uy-joyni ta’mirlash uchun “Ayollar daftari” orqali qurilish materiallari ajratish;

 - bandlik bo‘limi orqali doimiy ish bilan ta’minlash choralarini ko‘rish.

💬 Natijada deputat va mahalla vakillari murojaatni tizimli tarzda o‘rganib, amaliy yordam ko‘rsatish bo‘yicha aniq choralarni belgilashdi, bu esa mahalla faoliyatining samaradorligini oshirish va aholining muammolarini tezkor hal etish imkonini berdi.

✅ Ushbu o‘rganish fuqarolar murojaatlari e’tibordan chetda qolmayotganini, ularning muammolari joyida o‘rganilib, hal etish bo‘yicha aniq choralar ko‘rilayotganini yana bir bor ko‘rsatdi.