Xalq deputatlari Parkent tuman Kengashiga 21-“Nevich” saylov okrugidan saylangan deputat Yoqubova Xusnora Abduxamidovna tomonidan o‘zi saylangan hududdagi “Novdak” MFYning “Kamolot” ko‘chasida yashovchi aholi bilan uchrashuv o‘tkazildi.Muloqot davomida mahallada yechimini kutayotgan masalalar, hudud obodonchiligi, infratuzilmani yaxshilash hamda aholi uchun qulay shart-sharoitlar yaratish bilan bog‘liq masalalar muhokama qilindi.Uchrashuvda “Mahalla yettiligi” a’zolari, jumladan, mahalladagi hokim yordamchisi J. Sultonov ham ishtirok etdi.Uchrashuv davomida ko‘cha boshilari tomonidan hududdagi mavjud muammolar yuzasidan jami 2 ta murojaat bildirildi.Xususan,“Kamolot” ko‘chasining 900 metr ichki yo‘l qismini asfaltlashtirish hamda ko‘cha hududiga 25 dona tungi yoritish chiroqlarini o‘rnatish masalalari ko‘tarildi.Bildirilgan murojaatlar deputat tomonidan tinglanib,ularni amaliy hal etish yuzasidan tegishli choralar belgilandi.Mazkur masalalar bo‘yicha tegishli mutasaddi tashkilotlarga deputatlik so‘rovlari yuborish hamda ko‘tarilgan masalalarni Xalq deputatlari Parkent tuman Kengashining tegishli doimiy komissiyasi yig‘ilishida muhokama etish belgilandi.Uchrashuv yakunida ko‘cha boshilari tomonidan bildirilgan murojaat va takliflar belgilangan tartibda qayd etilib,ularning qonuniy yechimini ta’minlash, mas’ul tashkilotlar tomonidan amalga oshiriladigan ishlarni muvofiqlashtirish hamda murojaatlar ijrosini deputatlik nazoratiga olish belgilandi.