Xususan, tadbirkor Rasulbek Iskandarov tomonidan fuqarolar uchun qulay sharoit yaratish maqsadida tashkil etilgan yangi suv havzasi faoliyati ko‘zdan kechirildi. Mazkur loyiha shahar aholisi uchun dam olish va bo‘sh vaqtini mazmunli o‘tkazish imkoniyatlarini kengaytirish bilan birga, yangi daromad manbalarini shakllantirishga ham xizmat qilmoqda.
Loyiha doirasida 5 ta yangi ish o‘rni yaratilgani mahalla aholisining bandligini ta’minlashga munosib hissa qo‘shmoqda. O‘rganish davomida tadbirkor bilan ochiq muloqot o‘tkazilib, faoliyatni yanada kengaytirish, xizmatlar ko‘lamini oshirish, yangi ish o‘rinlarini yaratish hamda mavjud muammolarni tezkor bartaraf etish masalalari muhokama qilindi.
Shuningdek, tadbirkorlik subyektlari uchun davlat tomonidan yaratilayotgan imtiyoz va imkoniyatlardan samarali foydalanish, mavjud salohiyatni ishga solish hamda yangi loyihalarni amalga oshirish yuzasidan fikr va takliflar almashildi.