O‘zbekiston Respublikasining 1996-yil 29-avgustdagi «Fuqarolar sog‘lig‘ini saqlash to‘g‘risida»gi 265-I-son Qonuni ijrosini ta’minlash yuzasidan Xalq deputatlari Paxtakor tumani Kengashi deputati Q.Nishonov tomonidan o‘rganish ishlari olib borildi.

O‘rganish davomida mazkur qonunda belgilangan fuqarolarning sog‘liqni saqlash sohasidagi huquqlarini ta’minlash, tibbiy xizmatlardan foydalanish imkoniyatlarini yaxshilash, aholiga ko‘rsatilayotgan tibbiy xizmatlarning sifati hamda tibbiyot muassasalarida yaratilgan shart-sharoitlar holatiga e’tibor qaratildi.

Shuningdek, aholining tibbiy xizmatlardan foydalanishi, tibbiy ko‘rik va profilaktik tadbirlarning tashkil etilishi, murojaatlar bilan ishlash hamda fuqarolarning sog‘lig‘ini muhofaza qilish borasida amalga oshirilayotgan ishlar o‘rganildi.