Madad maslahat huquqiy byurosi bilan hamkorlik 

  ️Xalq deputatlari Pop tuman Kengashi tomonidan aholining huquqiy madaniyatini oshirish, fuqarolarni qiynayotgan muammolarga yechim topish
hamda huquqiy maslahatlar berish maqsadida Madad maslahat huquqiy byurosi bilan hamkorlikda Uyg‘ur va Ultarma mahallasi fuqarolari uchun uchrashuv tashkil etildi. 

  Ushbu uchrashuvda tuman Kengashi deputati U.Sayfiddinova, Madad huquqiy byurosi mutaxassisi, mahalla faollari hamda aholi vakillari ishtirok
etdilar. Tadbir davomida fuqarolar tomonidan turli sohalarga oid — ijtimoiy ta’minot, yer-huquq munosabatlari, uy-joy masalalari, bandlik, aliment, meros va boshqa huquqiy masalalar bo‘yicha murojaatlar bildirildi. 

  Uchrashuv davomida fuqarolarga o‘z huquq va majburiyatlari, amaldagi qonunchilikdagi yangiliklar, davlat xizmatlaridan foydalanish tartiblari
haqida ham tushunchalar berildi. 

  Bunday ochiq muloqotlar aholi muammolarini tinglash, ularni o‘z vaqtida bartaraf etish va fuqarolarning huquqiy savodxonligini oshirishda muhim
ahamiyat kasb etadi.