U yerda hozirgi kunda barpo etilayotgan 19-sonli umumta’lim maktabining 180 o‘rinli qo‘shimcha o‘quv binosi qurilish ta’mirlash jarayoni bilan yaqindan tanishdi. S.Konkelov qurilish ishlarining borishi, ob’yektning loyiha qiymati, ajratilgan mablag‘larning maqsadli sarflanishi hamda qurilish muddatlariga rioya etilishiga alohida e’tibor qaratdi. Mutasaddilar va pudratchi tashkilot vakillari bilan suhbatda qurilish ishlari belgilangan reja asosida olib borilayotgani, zamonaviy qurilish materiallari va texnologiyalaridan foydalanilayotgani ta’kidlandi. Mazkur maktabning qo‘shimcha binosi zamonaviy talablar asosida barpo etilib, keng va yorug‘ sinfxonalar, fan laboratoriyalari hamda sport zali kabi infratuzilmalarni o‘z ichiga oladi