🔰Xalq deputatlari Chinoz tumani Kengashi raisi Abduvohid Turdiboyev hamda deputatlar Asqar Baxromov, Mirsoat Mirsodiqov va Surayyo Ahmedovalar tumandagi "Ko‘tarma" hududida joylashgan 4-sonli umumta’lim maktabida bo‘lib, ta’lim muassasasidagi sport zallari va sport anjomlarining holatini o‘rgandilar.

♻️Maktabda jami ikkita sport zali mavjud bo‘lib, ulardan biri kurash sport turiga moslashtirilgan kichik sport zalidir. Ushbu zalda yoshlar kurash sport turiga bo‘lgan qiziqishlari asosida tajribali murabbiy rahbarligida muntazam mashg‘ulotlar olib borishmoqda.

✅Shuningdek, jismoniy tarbiya fani o‘qituvchilari Azim va Aziz Rixsiboyevlar hamda J.Turajonov tomonidan o‘quvchilarga samarali murabbiylik qilinib, ularning jismoniy tayyorgarligi va sport mahoratini oshirishga alohida e’tibor qaratilmoqda.