Xalq deputatlari Marg‘ilon shahar Kengashi deputati Bahromjon Djalilov Yuksalish MFYda bo‘ldi.

Shahar Kengashi deputati Bahromjon Djalilov yangi barpo etilgan mahalla binosini ko‘zdan kechirdi. Mahalla yettiligi bilan uchrashib ular faoliyati bilan o‘rtoqlashdi. Profilaktika inspektori katta leytenant Boburjon Musayev bilan jinoyatchilikni oldini olish va korrupsiyaga qarshi kurashish masalalari bo‘yicha alohida suhbatlashildi.

Mahalla hududidagi infratuzilma, kamchilik va muammolar o‘rganildi. Jumladan, Marg‘ilon shahri va Qo‘shtepa tumanini birlashtiruvchi yangi ko‘prik qurildi. Kuz-qish mavsumida aholiga yangi transformator olingani va eskisini o‘rniga almashtirish lozimligi kabi masalalar o‘rganildi. 

O‘rganish jarayonida deputat tomonidan mas’ullar bilan hamkorlikda mavjud muammolar muhokama qilinib, ularni bartaraf etish bo‘yicha aniq chora-tadbirlar belgilab olindi. Shu bilan birga, mahalla aholisi farovonligini oshirish, yashash sharoitlarini yanada yaxshilash va ijtimoiy faollikni kuchaytirish bo‘yicha takliflar ilgari surildi.