Deputat ta’lim muassasalarida o‘rganishlar olib bordi

Xususan, Xalq deputatlari Boyovut tumani Kengashi deputati Umurzoq Yarlakabov tomonidan ta’lim muassasalarida kuz-qish mavsumiga tayyorgarlik jarayonlari hamda ta’lim sifati bo‘yicha o‘rganish ishlari olib borildi.

Dastlab, “Jo‘langar” mahallasida joylashgan 36-umumiy o‘rta ta’lim maktabida bo‘lib, maktabning isitish tizimi, sinf xonalari, deraza romlari, yoritish vositalari holati va o‘quvchilar davomatini o‘rganildi. Shuningdek, o‘qituvchilarga yaratilgan mehnat sharoitlari ham ko‘zdan kechirildi.

Shundan so‘ng deputat mahalladagi 4-sonli maktabgacha ta’lim tashkilotida olib borilayotgan qurilish va ta’mirlash ishlari bilan tanishdi. U.Yarlakabov ta’mirlash ishlari sifatini nazorat qilish, shuningdek, tarbiyalanuvchilarga xavfsiz va qulay muhit yaratish bo‘yicha tegishli tavsiyalar berdi.

Xalq deputatlari Boyovut tumani Kengashi kotibiyati