DEPUTAT MAHALLADA: 

Fuqarolarning murojaati ijobiy hal etildi. 

Oybek mahallasi hududida joylashgan G‘oliblar ko‘chasidagi qurigan
daraxtlar aholi e’tiroziga sabab bo‘lgan edi. Fuqarolar mazkur muammo yuzasidan
mahalla deputati A.Ibragimovga uchrashuv chog‘ida murojaat qildilar. 

Deputat tashabbusi bilan masala ijobiy hal etildi — ko‘chadagi qurigan
daraxtlarga ishlov berildi hamda xavf tug‘dirayotgan shoxlar olib tashlandi. Bu
ishlar natijasida ko‘chaning ko‘rinishi yaxshilandi, aholi uchun qulay va
xavfsiz muhit yaratildi. 

Fuqarolar o‘z murojaatlariga tezkor e’tibor qaratilgani uchun deputat va
mahalla faollariga minnatdorchilik bildirdi.