PREZIDENT SHAVKAT MIRZIYOYEVNING 

NYU-YORKKA TASHRIFI HAQIDA MA’RUZA 

Xalq deputatlari Samarqand viloyati Kengashi deputati, Sharof Rashidov nomidagi Samarqand davlat universiteti professori Mavlon Boboxonov O‘zbekiston Respublikasi Favqulodda vaziyatlar vazirligining Boshlang‘ich tayyorgarlik va malaka oshirish markazida o‘tkazilgan “Ma’naviy-ma’rifiy tayyorgarlik mashg‘uloti”da Nyu-York shahrida o‘tkazilgan Birlashgan Millatlar Tashkiloti Bosh Assambleyasining 80-yubiley sessiyasida Prezident Shavkat Mirziyoyev so‘zlagan tarixiy nutq haqida ma’ruza bilan chiqish qildi.

Qayd etilganidek, Prezidentimiz Nyu-York safari davomida BMT Bosh Assambleyasining sessiyasidagi nutqidan tashqari AQSh Prezidenti Donald Tramp, xalqaro tashkilotlar, moliyaviy institutlar va yetakchi amerikalik kompaniyalar rahbarlari bilan uchrashuvlar o‘tkazdi.

Ta’kidlash joiz, murakkab geosiyosiy vaziyat sharoitida Prezidentimiz insoniyatni tinchlikka, muloqot va hamjihatlikka da’vat etdi. Bu chaqiriq nafaqat O‘zbekiston, balki butun dunyo xalqlari uchun yo‘l xaritasi sifatida xizmat qilishi mumkinligi ta’kidlandi.

“Ma’naviy-ma’rifiy tayyorgarlik mashg‘uloti”da prezidentimizning Afg‘onistondagi vaziyat, G‘azo sektoridagi gumanitar inqiroz va Ukrainadagi mojaro borasidagi qat’iy pozitsiyasiga hamda yoshlar, ekologiya va sun’iy intellekt sohalarida ilgari surgan tashabbuslariga alohida e’tibor qaratildi.

Markaz tinglovchilari Prezidentimiz nutqidagi g‘oyalarning global ahamiyati va ularning amaliy tatbiqi borasidagi mulohazalarni qiziqish bilan tinglab, ko‘plab savollariga javoblari olishdi.

⚡️ @sam_vil_deputatlari