MAKTABNING KUZ-QISH MAVSUMIGA TAYYORGARLIGI O‘RGANILDI

Xalq deputatlari Termiz tuman Kengashi 7-Qahramon saylov okrugi deputati S. Xakimov tomonidan 30-sonli umumiy o‘rta ta’lim maktabida “Mahalliy Kengash deputati faoliyatining eng muhim yo‘nalishlari bo‘yicha tavsiyalar”ning 11-bandi ijrosi yuzasidan o‘rganish olib borildi.

O‘rganish davomida maktabning kuz-qish mavsumiga tayyorgarligi, isitish tizimining holati, mavjud isitish vositalarining sozligi va foydalanishga tayyorligi ko‘zdan kechirildi.

Shuningdek, o‘quv xonalari, ma’muriy va yordamchi binolarda issiqlik ta’minoti bilan bog‘liq masalalar o‘rganilib, mavsumni betalafot o‘tkazish uchun zarur choralarni ko‘rish bo‘yicha mas’ullarga tavsiyalar berildi.

Aniqlangan masalalar yuzasidan tegishli tashkilotlar bilan hamkorlik qilish va kamchiliklarni bartaraf etish deputatlik nazoratiga olindi.